Apartament 2+1 me hapësirë të madhe e të mirësistemuar në një sipërfaqe prej 102.7 m2, i përshtatshëm për një familje të madhe. Është ambienti i posaçëm për atë që kërkon nga banesa e tij hapësirën e përshtatshme dhe të organizuar në mënyrë sa më efiçente për një jetesë të rehatshme familjare.
Orientimi nga veri-lindja siguron kushte shumë të mira ajrimi dhe ndriçim të këndshëm ambiental gjatë gjithë ditës.
Apartamenti ka një dhomë gjumi matrimoniale me tualet komunikues dhe një kënd të projektuar si garderobë, duke krijuar rrethana lehtësuese për bashkëjetesën në familje.
Ambienti i ditës është i mirësistemuar dhe ka hapësirë të mjaftueshme për gatimin, ngrënien si dhe për një kënd ndejtje mjaft të këndshëm. Përmes dritareve të mëdha dhe llozhës së këtij ambienti mund të përjetosh çlodhjen që të sjell soditja e një peizazhi ku ndërthuren hareja e fasadave shumëngjyrëshe me pamjen që të ofron qyteti drejt malit të Dajtit.